Биринчи кадам- Чүй облусунун Сокулук районуна багыт алды!
29 июня 2018
2018-жылдын 25-июнунда , биздин Фонд , социалдык долбоорубузга кирген кезектеги өтүнүчтү ишке ашырды. Сокулук райондук ооруканасы тамак даярдоочу электр казанын белекке алды.
Мындан ары ооруканада дарыланышып жаткан бейтаптар, сапаттуу тамак-аш менен үзгүлтүксүз камсыз болушмакчы.
Сокулук аймактык ооруканасы жылына 10 000 ден ашык бейтаптарды кабыл алат.
Буга чейинки ашканада тамак даярдоочу казан 1974-жылы чыгарылып, эскилиги жеткендиктен тез-тез бузулуп, жалпы бейтаптарга, өзгөчө диеталык тамактанууга муктаж адамдарга , оорукана тарабынан толук сапаттуу медициналык тейлөө көрсөтүү үзгүлтүккө учурап келген.
Биз бейтаптарга гана эмес, медициналык мекеменин адистерине дагы пайда келтиргенибизге чын дилибизден кубанабыз.
Жалпыңыздарга ден-соолугуңуздарга кам көрүп, турмуштун ырахатын көрүүңүздөрдү каалайбыз!
Биз, медициналык тейлөөнүн сапатын жакшыртуу үчүн, өз каалоолору менен кайрымдуулук көрсөтүшкөн Фонддун социалдык колдоочуларына терең ыраазычылык билдиребиз!
